Etter eit halvt år med opplæring, terping og trening er årets musikk -og drill kontigent klare for å vise fram kva dei har lært under evaluering til gardesjef, oberstløytnant Flom, Onsdag 10. April.
Oladrillen er i år som alle andre år spektakulær og imponerande. Med eit nytt kreativt trommestunt, musikk frå filmen «The Avengers» og meir kan vi med hånda på hjartet sei at det blir originalt og kreativt, samstundes vil du sjå ikoniske og klassiske formasjonar frå tidlegare kontigentar.
«Det er så klart mye spenning, men vi har et program som vi er veldig stolte av, og vi gleder oss til å vise det frem» -Musikkgardist Otervik
Evalueringa vil foregå på Husebyleiren, Onsdag 10. April klokka 10, og er gratis for alle å sjå. Vi i 3. Gardekompani ønsker alle vel møtt og er klare for å vise fram årets drillprogram.
– Ledende menig Nilsen
3. gardekompani 